سقف الغيوم - محمد الغرير
(5)
امشى على سقف الغيوم
واعد كل قطرة مطر
اقص اثر خطوة نجوم
الين ماكمل شطر!
واعرج بليلي عن صباح
واصادف بوقتي شهاب !
يامبتليني بالجراح
ليه دايم اشوفك سراب ؟؟؟
وتحلم عيوني قبل انوم !
(4)
ليه الظما مثل العما
مكسي سواد
والحس يتبصر براد
عقب البراد؟؟
مثلوج ما !
ومتكدس
بعرق الغيوم !
( 3)
وليه السحابه تبتسم
ياقطنها من غير فم
وماكان للبسمه لزوم !
(2)
الارض اغلبها تراب
يحدها خط أستواء ؟؟؟
اشقيت روحي بالعتاب
وخنقتها بلفحة هواء !
وسعت صدري بالهموم !
(1)
فوق السطوح
منبر جروح ودمعتين
الاوله بالقلب
والثانيه بالعين
يجيبهم طاري ( السهر )
كل ماموت
من القهر
في غيبتك
وادورك فوق النجوم !