شرهة الغالي - محمد الغرير
من جد والله غيابك واصل غيابه!
ومن لهفتي للوصال أبعدني وصالي!
صدقني أنك عليك وعود كذابه
وأغلب تفاكير بالك ما تجي بالي
ماهوب عيب الحبيب العيب بعتابه
أصلا حلاة الغلا في شرهة الغالي
لا تنكر الحب للي حبك أولا به
حتى لو أنك كرهت العشق من تالي
أنا أبخصك بس هجرانك وش أسبابه
أجوزلك وأنت ماتصلح لك أشكالي!
لو كل من حب يقدر يترك أحبابه
ما كل غالي يعوض غيبته غالي
سلم على الغيم يوم يشقق ترابه
لو منك آموت وقبري منني خالي!
ياديرة الوقت ماللوقت بوابه
ندخل أنا وأنت منها وأطلع لحالي
وجدار الأوهام شباكه على بابه
وبأواخر العمر شمعي ينحت ظلالي
الشوق شفته بعيني بس وش جابه؟
هو صدق أنا شايفه ولا يورالي!
وأن عاش خلي وأنا ذابحني غيابه
لا يموت خلي عشان يعيش بوصالي