غلاك يسعى - محمد الغرير
غلاك يسعى داخل القلب ويطوف
ومايطب فم عيني من النوم لقمه
أعتق رقبة العين لا تقتل الشوف
مقدر أعول الدمع من عقب يتمه
في سجن طيفك صدق الأحساس مكتوف
مواعده يطلع ومعطيه كلمه
أطمر حواجز غيبتك وأكسر الخوف
وصلك بخير وعافيه وألف نعمه
صارت ضلوعي كنها لقلبي رفوف
كلن يبي ياخذ من الحب قسمه!
ليتك تجي ياسيد الود وتروف
أن كان لي تقدير عندك وحشمه
مافيه أحد ما يحب ماعنده ظروف
يمشي عليه الحب من فوق خشمه
أحساسنا طفلن يعاند و ملقوف
شيب وحنا ماعرفنا وش أسمه؟
الى زعلنا نام جايع و مكسوف
نزعل بعض عنده ونرضى بحكمه!
عسى تعبنا اللي تعبناه مخلوف
وكلن يحقق( رب الأقدار) حلمه
قلنا كلام كثير وأعذار وحلوف
والله يحاسبنا على كل كلمه