خلط احاسيس - محمد الغرير
1)
التقيت بوجهي صدفه
كني غيري
كني واحد ماعرفه ,,
وانصدمت
انصدمت بشيب راسي
وبتجاعيد الملامح
وقلت اسامح
قلت اواسي
حبك اللي مات في عمر الطفوله
لو كبربي
مثل ياسي
وللجفا اظهر ميوله
100)
انا ضيقي
في غيابك ماتركني
صار همي
من ملكني
وصار اكثر من رفيقي
وللامانه
وقف بعمري معاي
لين وقف في طريقي
وخسفت ابارضي خطاي
1000)
حال قلبي مايبشر
والزمن ساطي واقشر
مايلم وقته حبايب
لو بمحشر !
ليه ظني فيك خايب
يارجا
دام حظي بالمحبه
وانت غايب
مانجا
وانا ياعيني على
حتى نفسي ماهي لي !
ضاعت بتوهة
حلومي والدجا !