لله شوفي - محمد القرني
لله شوفي ليه عينك بكتني
انتي السبب والاّ حياتي شقية ?
إن كان حبيتك وروحي عصتني
لا خير في روحي ولا خير فيّه
***
نجلا العيون الساحرة ولعتني
تكفين حني لي وحني عليه
جنوني عذبني وروحي شكتني
اتعبتها مابين روحه وجيه
***
هذي دموعك يومها لامستني
حسيتها مني تنادي علية
يابنت يكفي دمعتك عذبتني
لا لا تقولي اليوم اصبر شوية
***
سهران لك يااللي عيونك رمتني
سهران كن النوم فيه المنيه
لو خيروني قلت هي دلعتني
با ختارها هيه وهيه وهيه