بالحب صدقني تملكني احساسي - محمد القرني
بالحب صدقني تملكني واحساسي
والله لا يمكن .. تملكني بالقوة ..
أهواك أنا أهواك ماني أبد ناسي
يا اللي تجرحني اللي تبي سوه ..
قدرك على عيني قدرك على راسي
بس إن هذا شي ساكن معي جوه ..
إخترت حبك غصب عن أهلي وناسي
وعشقت فيك اللي ماحد درى اش هوه ..
عيد الهوى من أول اتنفس انفاسي
غصني خضر تكفى إسقه معي روه ..
بدري علي آصير في حبكم قاسي
مثلي أنا يعشق .. وبالحب يتأوه ..
شفتك ضعف حيلي وانهد لك باسي
حتى فؤادي صاح : هوه نعم هوه ..
وتقول ان النور والعشق حرّاسي
أجل حبيب الروح درب الهوى ضوه ..