اسافر ولا ما اسافر - محمد القرني
أسافر والا ما اسافر .. انا محتار في امري ..
أسافر والا أتصبر .. تعذب في الهوى صبري ..
أنا يا موعدي محتار ..
يا كيف اختار ..
ما بين الموقد الحامي .. وبين النار ..
وهوه هناك يتناسى ولا يدري ..
بأن الجرح في صدري ..
بنى له دار ..
* * *
تغيب الشمس وماغابت .. بعيني الشمس ..
كأن الأرض ما دارت .. من أولت أمس ..
وقلبي ينتظر ..واحساسي يسألني ..
متى نسافر ..
واقول باكر ..
يقولوا لي متى باكر ..
وفكري تاه وحيلي انهد ..
وأدري ان الزمن لو راح ماينرد ..
* * *
أسلي النفس ..
أقول الشمس لوغابت بتشرق شمس ..
وضاع العمر ..
وانا أستنى الثواني تمر ..
إلين الموعد الغافي ..سرقني كل أوقاتي ..
وانا واقف ..
على جمر اللضى حافي ..
اسافر والا ما سافر .. انا محتار في امري ..