ارتاح انا بسهر احبك - محمد القرني
إرتاح انا باسهر احبك واحبك
لا تتعب عيونك حبيبي عليه ..
قلبي انا المجنون ماهوب قلبك
وش دخلك ما دام روحي هنيه ..
صداق في حبك وبمشي بدربك
حتى ولو دربك عليه المنيه ..
ماهمني غيرك اذا كنت جنبك
غيرك عسى غيرك لضلك هديه ..
باقصى شعوري احتمل كل لعبك
إلعب بقلبي زيد بالله شويه ..
حتى احس انك تبيني بقربك
وان الحياه بالروح والحب حيه ..
وان قالوا كل الناس الجرح ذنبك
كذّب وشهدهم حبيبي عليه ..
احب انا جرحك وصدقك وكذبك
وباعاند الدنيا بروحي الوفيه ..
تلقى احد مثلي حنانه يحبك ..?
بفطرته يهوى ويعشق بنيه ..
ما ظن..! لكن لو تقل لي بربك
من هو اللي يستاهل حياتي هديه ..?