اسمحيلي واغفري الزلة - محمد القرني
إسمحيني واغفري الزّلة دخيلك
قلبي المحروم بعدك من يحنّه ..
أضلمت دنياي وينك كيف أجيلك
القدم هشّة وقلبي فيه ونّه ..
تعرفين إني أنا ماقوى رحيلك
بعدك أتيتم وقلبي يخيب ضنّه ..
أنا عذقٍ أثمر بعالي نخيلك
وإنتِ عزِّي ما يتوه العزْ عنّه ..
مادريتي وش حصل لي في سبيلك
ضاع فكري .. لا أنا اللي ضعت منّه
صرت اهوجس ليت بعيوني أشيلك
بالمحبة والهوى مافيه ونّه ..
أدري غطّاني أنا والله جميلك
وادري إن بطاعتك في الحق سنّه ..
أنا مخطي أنا يا ( أمي ) قبيلك
بعد هذا اليوم ما تلقين هنّه ..
إعذريني وإغفري الزلّه دخيلك
تحت أقدامك أنا لو عشت جنّه ..