من انت | محمد القرني

من انت !! يا غير البشر

وعرشك من اللي يوصله ..

من انت !! يا نفاس العطر

وقلبك من اللي زلزله ..

انت اللي في ليلي سهر

والا انت حلم ٍ واجهله ..

انت اللي في عيوني النظر

والا عيوني مكحلة ..

عنك إذا أسمع خبر

أحس قلبي يكمله ..

وان شفت انا مرة القمر

يسألني عنك واسأله ..

دلعتني طول العمر

والعمر لجلك أجمله ..

وصوتك إذا مرة ظهر

أنسى التعب من أوله ..

إن كان قلبي من صخر

قلبك تعنى ودلله ..

وان كان ما طيق الصبر

طيبك وربي يخجله ..

إن قلت عذبني القهر

حزمك وربي يقتله ..

ماغيرك انته لي ظهر

كني يتيم وتكفله ..

يا صاحب الحب أعتذر

إني مقصر في الوله ..

حبي أنا نقطة بحر

وبحور شوقك تحمله ..

لو قلت آه حيلي انكسر

ما ابغى تجي لك مشكله ..

وان خانك الغير انقهر

ودي اشوفه واقتله ..

لو بكتب وقلبي شكر

قد اللي قلبي يحمله ..

كنت اكتبك طول العمر

وغير الهوى ما اقبله ..

الحب في قلبي كبر

ما ضن قلبك يجهله ..

عاشق وربي اللي ستر

ثاير وقلبك عقله ..

لو مره احساسك أمر

بالحب انا أتحمله ..

لو ذكرك الطيب عبر

في فكري قلبي أشعله ..

في الحب ما ينفع حذر

يزيد بك لو تهمله ..

وانا رعيته من صغر

وببدى الهوى من أوله ..

لو طروا اسمك أو عبر

أفز له واقبله ..

واوقف على بابك شهر

مادام حب لا مشكلة ..

من حبني شاف العبر

يقول فيه لك مشكلة ..

قلبين لك أو ذا قدر

أو في فؤادك معضلة ..

مايدري ان خالد ضهر

يسعد حياتي المقبلة ..

في قلبي قلبه ما هجر

وما ضن خالد نجهله ..

قلبي معك طول العمر

بالحب حبّك واسأله ..

ياسِيدي لو بيدي الأمر

في القلب احطك واقفله ..

دعيت ربي لو غفر

يارب موتي أجله ..

حتى اكتب لربي شكر

ثم لك .. على ما تفعله ..

كم شلت عن ناس الخطر

وامنت كم ؟؟ مستقبله ..

كم لون لونت الزهر

ياكم رفعت المنزلة ..

وياكم سمحت اهل الغدر

والمسرحية المهزلة ..

مثلك بهالارض اندثر

مثلك بشر نتأمله ..

قل لي تحب قلت انتظر

بهواه انا واتغزله ..

والحمدلله بفتخر

اني اغترف من جدوله ..

ياناس حسبت الدرر

بالمسطرة والمنقلة ..

لقيتها تسوى ظفر

بعض اللي بعضه يبذله ..

رقيق بحساس الزهر

لكن بطل في المشكلة ..

قلبه كبير خيره نهر

ولا هو يحب البلبلة ..

لوكان غيره ما صبر

وكانت حياته معلله ..

لكن رجل قلبه صخر

وهذي اصول المرجله ..

ياسيدي كيف اختصر

حب السنين المذهلة ..

كيف اختصر هذا المطر

في كلمتين مبهذلة ..

اعذرني ياموج البحر

خالد اخذك وحوله ..

روّح له وروح اعتذر

يابحر دربك ما اطوله ..

صوتك على الدنيا انتثر

وكل الحنايا تبجله ..

وعزك على الكون استقر

كل العرب اتبجله ..

من انت - محمد القرني