لحظة - محمد القرني
لحظه لا تبادلني النظر
ابعد سهوم الهوى عن خافقي
من زمان وانا يجرحني النظر
ياخذ اللي من افراحي بقي
***
قصتي في الحب ما مرت بشر
الهوى والشوق شيب مفرقي
كم اخذ مني ولا كذب خبر
كل شي راح مدري وش بقي
***
عنك يا المحبوب يا نور القمر
دور اقليبي ودور ما لقي
انت غض العود والنسمه زهر
ونا متعود اكون المشتقي
***
يادقيق العود قلبك من حجر
خاف من ربك انا قلبي شقي
لا تقول اليوم نعشق بالنظر
لا ولا تجرح وجرب نلتقي