الأعذار - محمد الكتيب
دخيلك لاتبرر موقفك وتدور الأعذار
وعذرك لو تعذر لاحشى ماعاد يرضيني
تكرر غلطتك وأنا أعتقد تتعمد التكرار
غلطت وغلطتك هزت كياني وأثرت فيني
علاقة واجمعتني فيك غلطة وأصبحت تذكار
نسيت اللي حصل كله ولاأبغى من يواسيني
خلاص انسى المحبة مابقى لك بالحشى مقدار
عسى الله يسعدك وأنا عسى الله مايشقيني
خلاص انسى وأنابأنسى وكن اللي حصل ماصار
ودرب جابني يمك اهو نفسه يوديني
تفكر والمصيبة كان ضاعت بك الأفكار
أقول اسمع كلامي وإعتبر إن كان توحيني
مثل مابحبكم ذقت المراراليوم ذوق أمرار
تألم مثل ماكان الألم والهم طاويني
ططموحك بالحياة إنك مثير وتلفت الأنظار
تبي تشبع غرورك للأسف ماعاد تعنيني
تقول إنك تبي تصح ستار ولو تصير استار
ترى ماعاد لك في وسط قلبي شي يغريني
دريت ان انت معدوم المشاعر مستحيل اتغار
عديم احساس ماعاد أرتجيك وطحت من عيني
خلصت من الهوى صفر الايدين وبالرصيد أصفار
جنيت الهم والحسرات واختلت موازيني
أبنسى همي ولكن لقيت إن الهموم كثار
وأنا والله في من الهموم اللي إمكفيني
إتصدق للأسف توني دريت إن الزمن دوار
يدور الوقت والدنيا تدور وضاعت إسنيني
مشاعر قمت أترجمها قصايد وأكتب الأشعار
لأن الشعر هو بس الوحيد اللي يسليني