زنزانة - محمد عبدالله الأسمري
مغروس فيني كلامٍ قادني للذبول
يا ليت فيني شجاعة غارسه وأقلعه
ما كنه إلا السؤال اللي يثير الفضول
لا جاك غامض وكل الأجوبة مقنعة
أصعب قناعاتنا بأسهل طريقة تزول
وكل الطرق عاجزة لا تكشف الأقنعة
أيام عمري سنابل والتجارب حقول
وأحلام قلبي طحين وواقعي جعجعة
إن شفتني في شحوب يكتسي بالنحول
فالضيق محصور ما بين الفرج والسعة
مرت سنة من حياتي كنها والفصول
زنزانة ميلت جدرانها الأربعة !