يابوي - مساعد الرشيدي
يابوي لايلحقك شك ولاريب
انفض هجوسك ورفع الراس عالي
أناشبابك لاغزى راسك الشيب
وانا عضيدك لوتجور اليالي
أي والله ابشر يارع الطيب بطيب
والله لسدك لو يضيق المجالي
أمر وتحت امرك تهون المطاليب
أنخا وتلقاني قريب موالي
أجيك كلي ماخشيت المصاعيب
لي طبت تكفا يايبة طاب فالي
ان عاش راسي ياعزيز المجاذيب
ل...شيل حملك لويفوق احتمالي
وطفي ضماك زان حثربن المشاريب
وسقيقك من زندي قراح زلالي
ولايهمك ياكريم المواجتيب
يفداك حالي يايبة والحلالي
أبشر وذيبك يارفيع الشرف ذيب
يابوي دام تشوفني لاتبالي