اكبري - مساعد الشمراني
اكبري مابغى جسد ماكل حاجه عاطفه
مليت اداعب وجنتك واكذب على حجانها
ارتقي ابغى حوار ابغى ضجيج وعاصفه
ابغى مدينه واعيه والاسئله سكانها
يابنت انا ماشاقني شوف النخيل الواقفه
مادام ماتثمر رطب وشلي بطول اغصانها
ماوالف العشق الغبي والكذب صعب اوالفه
ليه افترش لحظه فرح ثم التحف بحزانها
تعبت ادلل هالطفل واجامله والاطفه
تعبت اصلح لعبته هو في الاصل ماصانها
لو كان جلدي من خشب كانت تهون السالفه
لكن اخاف العاقبه من نخوتي واخوانها
لاجيت بصنع دمعتي قالت عيوني اسفه
من صدقها تبكي قهر جعلك فدى لجفانها
ادريبها تبغى تقول وشلك بنخله واقفه
مادام ماتثمر رطب لاتنخدع بغصانها