شبيت راس الفتيل - مطلق الدخنان
مجاراة للشاعر حمود البغيلي في قصيدته :
ياكثر ماقلت ابسوي وابسوي
ولا فيه شئ من اللي قلت سويته
شبيت راس الفتيل وولعت ضوي
ودولاب فكري لوقت فات رديته
أفل الأفكار وسط الراس واطوي
بجاري الشاعر اللي شايع صيته
الشاعر اللي تلاقا نوه ونوي
هيضني الله يرحم حيه وميته
تقول يقرأ من الأفكار ويروي
أشوف كني أنا اللي قايل بيته
ياحمود شد العزم عسي الله يقوي
عزمك على هالزمان اللي تمثنيته
ماتنفعك ياالبغيلي قولتك لوي
قصرت في ذاك والا ذاك مديته
العمر مثل الزهر له يوم ويذوي
ولو طال عمر الفتى للموت تاليته