مرجلة والفكر خاوي - نوض سدير
ياشينها مرجلة دام الفكر خاوي
والنادر اللي معه نفسه مطوعها
كم واحد ٍ للسجاير عاشق وهاوي
يظن كسب المراجل حيث ولعها
يحزنك حاله ووضعه حيل مأساوي
وفعايله صعبة ان احد ٍ بيبلعها
عقدة وتنطيل والجمهور له عاوي
وسرعة جنونية ٍ والنفس بايعها
ومع بنات الهوى والليل متخاوي
وكم بنت غرر بها بكلمة وضيعها
والبعض غاوي الخمر ومن الخمر راوي
ويقول دنياك لو ماطاعتك طعها
واحد ٍ يرود القهاوي قبل ماياوي
وشيشته والمعسل مايقاطعها
هذا الذي يوم قالوا رجْل شرقاوي
وهذي فعايله من هو اللي بيرقعها