تجنّا - نوض سدير
ياليل قل له هالزمن آه ما اقساه
جنا علينا بالظنون وتجنّا
من بعدماصار الحكي فيّ وياه
قمنا على دروب الوداد نتغنّا
دام العقل والدين فينا مزاياه
صعب الحسود اليوم فينا يتهنّا
في هالبشر أجواد ٍ وفيهم وشاه
كم واحدٍ بالحقد الاسود تحنّا
لاناوية جرحك ولايمكن ارضاه
مادامك انتي اليوم فينا ومنّا
بنصفّي النية كفى القلب ماجاه
وترى القطاعة ماهي اللي نتمنّا
تبقين لي أخت ٍ ولو حرفنا تاه
الدين يجمعنا وواحة وطنا
بكرة بسافر واترك الجرح وانساه
ويالله ياربي على الخير اعنّا
القلب في الدنيا عسى يوصل مناه
وعساه يسلم من شكوك ٍ وظنّا
ماقدّره ربي على العبد يلقاه
ولابد ياتراب القبر تحتضنّا
حرفي ترى ماهو الخطا اليوم مبداه
والعالم الله كيف صرنا وكنّا
عسى حروفي لجرحك اليوم تبراه
واستغفر اللي لاعطا مايمنّا