منيرة - نوض سدير
( لا تشكّين ) لزمانك همومك والعذاب
الله اللي للدعاء يا(منيرة) يستجيب
الاعاقة هي إعاقة فكر حاد الصواب
من كثر ماهو خطا عاش بالدنيا غريب
تسوقه الاقدار واوهام فكره للسراب
ولالقى له ماتمنى ولاحصل مجيب
ولاعرف غاية مساره ولاجاله جواب
مضيع ٍ وقته ويشكي من الحظ العطيب
ماصدق مع نفسه وملحق ٍ وقته عتاب
ويرمي همومه على اقداره وقل النصيب
كم معاق ٍ يفتح الله بدربه ألف باب
وكم سليم ٍ ضايع وممتلي قلبه لهيب
وانتي ربي كملك زين ..مابك مايعاب
وميزك باخلاقك وعقلك وذوق ٍ وطيب
همي لاقلتي لي (يانوض ياخاله )يذاب
واشعر انك يازماني بريٍ دون عيب
كل من شافك من احباب واقراب وصحاب
كبر وهلل وربي من عباده قريب
والشكر لله عطاناك يا(منيرة) وجاب
واخرج الماء من الاراضي ومن جوف القليب