عذبة السيرة - نوض سدير
بري حالي من همومٍ ملى الخفاق ماطرها
ومن ظلم الزمن والحظ لاقلّت تدابيره
يايمه ياغناتي ياكحل عيني وناظرها
امانة إعذري قلبي الى من بان تقصيره
يايمه يابحور مْن العطا مااحصيت آخرها
ياقلبٍ عمني بالعطف من يوم اني صغيره
تراك بعيني غيوم المزن لاهل هامرها
وانتي العشب وعذوق الغلا واجمل عصافيره
وَحَدْك اللي الى صكت علي دنياي حافرها
اجي لك بين اياديك الحنونة واطلب الشيره
إلى من وجّهت كف المرض يمّك أظافرها
تضيق بوجهي الدنيا ويخون القلب تفكيره
واقول الله ياعالم معاناتي وخابرها
تعافي (امي ) وتشفيها وتجعل في الأمر خيره
وإلى من ضقتي اكره هالحياه بجد واحقرها
لانه قلبك الطاهر أهو الورد وتعابيره
يايمه بنتك مْن الهم والله ضاق خاطرها
بجي يمك وضميني وجزى الله همي وطيره
ليالينا ولو تظلم باهاليها ضمايرها
اموت ولا مشيت بدرب غفلة شفت تغريره
وَحَدْك اللي لياشافت عيوني شي قاهرها
أجي يمك مثل طيرٍ عشق ريحة مواكيره
وبدعي الله يادنية (نوض) باطنها وظاهرها
يَحَفْظك من بلاوي هالزمن ياعذبة السيرة