هبيلة نوف - ثامر شبيب
تعال نلعب على المكشوف
ما يصلح اللعب بالخافي
البخل يا صاحبي والخوف
لاجن برجال ينعافي
الرجل... ودك صخي كفوف
دام الكرم شيمة الوافي
الرجل... اليالفوه ضيوف ما يطرد الضيف واللافي
لو كل رجل اعتذر بظروف
ما شفت لك واحد سنافي
الجود من ما وجد مصروف
واللي انوجد قدمه كافي
اتعب على مكسب المعروف
مع ذكرك الطيب ينضافي
ولا صرت حق غايتك ملهوف
ما يجوز تصعد على كتافي
الفرصة اللي عليك تطوف
لا ترتجي يعود ماطافي
تحمد الله عطاك وصوف
يستاهل الحمد بسرافي
تسمع، تكلم، تحس، تشوف
تمشي مع الناس متعافي
اترك هوا لابس النفنوف
أبو جديل اشقر ضافي
لو ان بس الجمال اردوف
يا كثر من حضنها دافي
لاشك يفرق جمال الجوف
ويا قل من قلبها صافي
العشق خلي «هبيلة نوف»
يمشي وراها وهو حافي
والمشكلة طيب ومعروف
مير الغلا... جابة اكتاااافي