ولدي - ثامر شبيب
لا ملامه لا تشره لا عتاب
ماغدى لك شي مفروض يغدي
لا تحاسبني على اسباب الغياب
في يدك ماصار ماكان بيدي
لو رجعنا وابتدينا بالحساب
منتهي وياك من قبل ابتدي
كنت اشوفك غير لين القلب ذاب
في هواك وصار ماهو بجسدي
وقتها لو لي ولد عمره شباب
يمكن احبك كثر حب ولدي
لكن اللي غاب .. يوم النور غاب
شي يحداني عن ايدينك حدي
تذكر اللي صار يا مال الذهاب
ليلةٍ ماجيت وامسيت اوحدي
لا تغرك بسمتي وزين الثياب
داخلي ضايق من الوقت الردي
السؤال اللي بقى ماله جواب
ياكثر مامر على الجرح الندي
يا معودني على طرد السراب
وشتبي فيني اليا ضاع جهدي ؟
صرت انا وياك نشبه للسحاب
لا تجمعنا تساقطنا بردي