ليله مالها وصف ! - سعد الحريص
مريت فينا ليلة مالها وصف
في وصفها ضاقت علي العبارة
رحبه جميله ناعمه جوها ترف
مثلك حبيبي واسعدتني الزياره
فعيونك التحنان وفقلبك العطف
رغم السنين وفي سلامك حراره
نظرتك حب وبسمتك كلها لطف
يلوق لك ثوب البها والطهاره
من جرحك الأول إلى جرحك الألف
قصيدتي بين الألم والمراره
واللي كتب فرقاك ما جاز لي حرف
عقبك ولا قلت افدحي يا خساره
اقول في نفسي ورجلي على جرف
إما عمار القلب والا دماره
لا طاب لك جرح ولا منقطع نزف
والوقت مر وحان رفع الستاره