ياالله - محمد الفهاد البرازي

ياالله

البارحه راسي من الهم منضود
والقلب كن به حزة النوم رجه

يلعب به الهاجوس كودٍ على كود
كني صفيف الماء على جال عجه

فياونتي ونه خلوجٍ مع الذود
تسمع لها في تالي الليل لجه

والا كما ومنه حسيرٍ على الجود
خلوه ربعه للمعادين هرجه

يونها اللي ماعرف بالهوى كود
حبٍ صعيب ووجعةٍ مستلجه

ضرب الخفوق وكل ما ون مقيود
ومنين ماهب الهوى له يشجه

فيالله يامنجي من الهم داوود
اغفر لعبدك واعف عنّة ونجه

اليا غدا همه له عهود وعهود
ودموع عينه بالمحاجر تزجه

في جزةٍ لون بهابرق ورعود
استغفر الله كان قامت توجه