باقي من الايام - محمد الفهاد البرازي
في الشيخ مشاري هزاع بن بصيص
باقي من الايام عودٍ وتبراه
مع الليالي موميات الذواري
الشيب لاح بعارضي وحلالاه
مثل النجوم بمظلمات الغداري
لاتبدي الشكوى على غير مشكاه
الله عن اللي عذب الحال داري
ذخري وقضوى حاجتي ساعة انصاه
ريف الركاب ابن بصيص مشاري
عدك إليا جيته على راس مرقاه
طوال الرجوم اللي تدس الضواري
له مدهلٍ عكف الشوارب تنصاه
لاجيت له كنك بسوقٍ تجاري
سلايل اللي طوعوا نجد بحماه
يوم السيوف ويوم شل الشباري
شيخٍ على راسه من الطيب عرقاه
وسمٍ من المجد التليد ومواري
له دلةٍ صفرا على النار مركاه
ماهي علوم مقلطين الغواري
ياما جدع من كل كبشٍ وثنداه
وياما شبع في حلته من عواري
شيخ الجموع اللي على جرة خطاه
بيض الوجيه بريه ماهي زواري
للشيخ تنساق القصايد ومهداه
شيخٍ معرب من قديم الاثاري