كلش زاد فيه - أحمد لهبيل
كُلْش ْزادُ فيهْ
أطلبْ أتايْ ولٌ قَهْوَة
شْرِ طْبَلْ ولاٌ بَنْديرْ
شوفْ قْراقَبْ.
رْضَ وْعيشْ ولٌ موتْ
وقبَلْ ما تْموتْ شْرِحُفْرَ
فَكٌرْ.
تْخَيٌرْ
دُكْ لَوْتَدْ فْ الأرْضْ
وَلٌ ف الحَيْطْ
رَهْ فيهْ تَربَطْْ.
تْجَلَدْ أَوْ تْجَبٌدْ فيك فيكْ
بْكاكْ
الوْدَنْ اللي تْسَمْعُ
صَمٌ.
لسانكْ عندكْ، قولْ مَ تَبْغِ
شَكْلُ،أوْ خَليه سارحْ
دِرْ بُقْ وطَوٌحْ
الَوْدَنْ
صَمٌ.
سَوٌلِْ الصْمَكَ ،سْمعْ شِِ غْنَ
والعْمى مْشَ يلعَبْ سَبْسَبٌوتْ
رَدْحُ بْغَلْ.
دُقْ المَسْمارْ في اللوحَ
يْكونْ هَنْدْ أَوْ نْحاَسْ
وَاصْبَرْ.
اصْبَرْ ياولْدْالناسْ
زادُ في الطحينْ والزيتْ
السكرْ والزٌبْدَ بلا قْياسْ
والتْقاتَقْ الصْغيرَ
حَيْرَتْ .
العفن مزَيانْ
اللهم العْفَنْ وْلَ هَدْالغْلا
صابون الكف الطاوس
التيدأوموأرْيالْ
تْفاهمو
اعْطيوْ لِكْحَلْ الراسْ.
هَدْ ليامْ كانْ الهَراجْ
الوَقْتْ مْناسَبْ
للِزْيادَ
غيرْ زيدْ وزيدْ
زيدْ وكانْ
عندنا
عندنا حقوق الإنْسانْ
وحين ْتْسَوٌلْهُمْ كٌلْشْ ناكَرْ
كِ قَدورْ كِ عبد القادر.
اصبر قٌرٌبْ غْرابْ يْشيبْ
وشْرِلُ مَشْطَ.