لهيب النيران - محمد مكار

لهيب النيران
ما تطفيه الكيسان
والحسرة آش تفيد
نحيب العربان
ما يفك الأوطان
يكفانا تنديد
مرت فينا قومان
تحارب الطغيان
شكون للمجد يعيد
أن صغيرنا وبكا
بدموع الدم بكا
ردينا بالنكران
تلهينا بالدبكا
ودنا صارت صمكة
وكثر فينا النسيان
خلينا قوم الصهيون
يقتلو كيف بغاو
وتبعنا طمع والطمع طاعون
بقينا نلعبو نتفلاو
ما دامت لعاد وقارون
فين آثارهم فين بقاو
ما ورثها شداد وفرعون
آش درنا واش نتسناو
انت يا العربي
وانت يا المسلم
فين الغضب فين الغيرة
راه التاريخ يكتب
يوتق ويزمم
كل كبيرة وصغيرة
خليتو لعدو
يطغا ويتضلم
يقتل الأطفال
ويشوه التصويرة
ياك كنا كتاف
قد وقوام
عز ونصر
لدين الإسلام
كنا رجال
عدنا أقزام
سرنا ضعاف
وسط الأمم
وفينكم يا عربان
فين مشيتو
أداكم النسيان وتناسيتو
فينكم يا عربان
فين مشيتو
تغريتو بالمال وتعاميتو
فينكم يا عربان
فين مشيتو
رضيتو بالحال وتذليتو .