الجبل الصامد - محمد مكار
مات ..مات..و ما مات
ولبلاد فيد من بقات
الدوام لمول الدنيا والدين
ويا حسرة على ابو عمار
القدوة يا عرفات
تاج المناضلين
رحلتي وولادك اشتات
الكرحة عليك ماصبرات
وتهاطلت دموع العين
رحلت والوقت صيام
وقضيتك صاموها لخيات
من مدة وسنين
وفرام الله بالذات
داتك تدفنات
ياك في فلسطين
ماتت الدات ومشات
وبقا الاسم خالد
الكل بيه يصيح
عرفات عرفات
داك الجبل الصامد
ما هزاتو ريح
للطغيان كان بركان
هايج ماهو جامد
من الموحال يطيح
صيفاتو ورث للصبيان
ياك عطات العاهد
بالعزم والقول الصحيح
وبين الردم صغير ينادي
انا واجد انا موجود
الى قتلتو اجدادي
الجيهاد ماهو محدود
مايقهرني جدار وحصار
ما تقهرني لغلال لقيود
نقاوم غير بلاحجار
ونرجع ارض الجدود
ضل تزغرت يا قرطاس
وضل تلعلع يا بارود
ما نحدر انا للراس
وما يحكموني ليهود
وخا يقطعو لنفاس
ويتعداو كَاع الحدود
طيف ابو عمار عساس
وعرفات كل يوم مولود .