مجرد ثواني - نجمة أحمد
ياهيه ياللي خافقي منك ملهوف
عطني من اوقاتك مجرد ثواني
بهدي شعورٍ لك بالأشواق مغلوف
بشعور لك صغته بكل المعاني
تدرى احبك حب ماحتاج لحلوف
سيطر على قلبي وغير كياني
هذي هى الابيات والقلب مكلوف
كلي عهد لو كان قلبك نساني
عهدٍ علي منساك بالوقت وتشوف
حتى ولو قالوا تبى شخص ثانى
يامالكٍ عقلي رغم كل الاظروف
لك منزلٍ بالقلب طول الزماني
هواي وعشقي ماقدر اكتبه بحروف
والقلب واحساسي معك ياحناني
ليت الغرام بداخل القلب مكشوف
وتشوف قدرك بالحشا والمحاني
يانور عيني ياهوى النفس والجوف
حبك بقلبي ماخذٍ له مكاني