برب وتيت - أبو بدر الدهمي
قالت ( برب ) وقلت ( تيت ) وتجيني
يمكن عليه احراج في داخل البيت
وعذرتها ما قلت لا ما تبيني
والشوق يلعب بي مع ليت ياليت
وفجأه اناضر وآه من وجد فيني
مشغول مع غيري وانا منتضر ( تيت )
قاعد ينكت ( بالمسنجر ) نسيني
وانا الذي له خص جيت وتعنيت
أحييت له ليلي وسهرت عيني
واتعبت له شعري ومن جد حبيت
وليته تعذر اولقى عيب فيني
خلاه يترك مجلسي يوم خشيت
وانا الذي مليون وحده تبيني
تركتهم من قلب قانع وله جيت
واليوم لاوالله ياابو الحصيني
نادم على وقت مع خاين افنيت
وياقلب يكفي لا تسج بحنيني
بزعل عليك ان جبت سيره وحنيت
بجمع اوراقي وباقي سنيني
والملم اشعاري واخلي لها بيت
( خلاص يكفي يا ( .... ) سامحيني
على ( البرب ) الشعروقف وهديت )