قلبي جنوبي - أبو بدر الدهمي
اهديت لك قلب يحبك ويغليك
قلب تربى بالصفات الحميده
لاقلت له ياهووه جاوب بلبيك
امر تدلل واطلب الي تريده
واليوم جاني ضامد الجرح يشكيك
ومن زود حبك يخفي الجرح بيده
عطني سبب وانا احرقه بين اياديك
ان كان قلبي زعلك وانت سيده
وان كنت تتسلى بجرحه ويرضيك
اجرح وعذب وافعل الي تريده
بس انتبه تجرح على جرح ماضيك
لاتنبش الجرح القديم وتزيده
يمكن تسبب له تشوه ويعصيك
والا تهينه والاهانه شديده
وانا اعرفه قلبي جنوبي يعنيك
لا اتعقد اتعقد ولااقدر اعيده
ان قال حبك صادق الود يعطيك
وان قد تنكرلاسف ماتفيده
كتبتها بالشعرذكرى تنبيك
ولك يوم تفهم مقصدي بالقصيده