انهدم حالي - أحمد القاسمي
ياسلامي عد ما هبّ الهبوبي
عد ما بدو الخلا حلّت شعابه
بلّغه للخل عاجل يا ندوبي
انهدم حالي وخلي ما درا به
صورتي قد اصبحت للحزن كوبي
ما تفارقها علامات الكاّبه
في سبيل الحب تاهت بي دروبي
والغسق والصبح في عيني تشابه
بالمحبه يا حمد اخشى رسوبي
مثل طالب ما توفق للاجابه
كيف ! والاحباب ما يتواصلوبي
ون بعثت الخط ما جاني جوابه
ون كتبت الشعر با تبدي عيوبي
خافي الاسرار تبديه الكتابه
ون كتمته بالحشا شبّت شبوبي
نار اشجاني الى حد الاذابه
واضطررت انوح واشقّق جيوبي
وانضم الاشعار من زود الصبابه
وانكروني ناس كانوا يعرفو بي
ما رعوحق الصداقه والقرابه
فيهم اتفائل وهم يتشائموبي
ماجرى ! يا للعجب يا للغرابه
كيف لوحملتهم شيء من ذنوبي
مثل ما نغنم سواء عند الاصابه
هكذا عامين في صنعاء عزوبي
ولّت احلامي كما ولّت سحابه