اغلا الحبايب - محمد عمر الهاشمي
ياهبوباً مزنها بالخير هطال السحايب
يلمع (أ)بجده سناها كنها اجمل حديقه
وش يكون الوصف فيها حسنها كله عجايب
تاه قلبي في دلالك يوم عانقني بريقه
اسمها وسط الحشى يعلا وانا اسميتها اغلا الحبايب
يافديت احلام انا وافدي مشاعرها الرقيقه
تحتشم عن كل زلات الخطاء كلا وما ماتعرف معايب
كامله بالحسن من ربي وانا لوقلت اقوالي حقيقه
زهرة البستان ورد الفل من حولك قرايب
والفراش الي تلون يعشقك ونتي رحيقه
ويوم تتبسم يبان الدر ياقوته ترايب
وش يكون الماس والولي لغيرك مايليقه
من جمالك صار شعر الراس اسود بعدما قد كان شايب
وصرت في بحرك انا مغرم وانفاسي غريقه
من نظر احلام دربه يعتلى ماهو بخايب
لن درب الخير منها صارت انفاسه طليقه
ياهبوباً مزنها بالخير هطال السحايب
يلمع (أ)بجده سناها كنها اجمل حديقه