حسافه - محمد عمر الهاشمي
ياحسافه حب في لحظه يصير
في زمن كانا وماكنه يكون
أأه ياويلاه منك ياصغير
لو فهمت الحب ماعبته ياشين
الحب له معنى واحساسه كبير
عاليأ وصفه تعلى كل حين
يسكن الارواح في نبض الضمير
عزته با لصدق عزه ماتلين
كألجبل راسخ وثابت في المصير
ماتهزه ريح شامخ مايلين
لآجله العشاق اختاروا الحصير
ومايهم الدار لومبني بطين
واكتفو بالزاد من خبز الفطير
ومن شعير الحب ذاقوها عجين
بالرضى والحب روحيهم تطير
والسعاده والفرح طول السنين
مايهم المال او لبس الحرير
والذهب والماس مافاد الحزين
ومهما كان البعد يجمعهم قدير
كل عاشق يرحمه ربي المعين
ومن غرامي صرت احكي في الاثير
مايهز الحب ريح ياالسامعين
و ياحسافه حب في لحظه يصير
في زمن كانا وماكنه يكون