سالم المري - محمد عمر الهاشمي
سالم المري ومثله ماوجد وأحسب خيال
ينولد شاعر مثيله يعتلى في منبره
شاعراًً والقاف منه ينظرب فيه المثال
قيس افعاله ووزنه بالقلم والمسطرة
قط مايهتز حرفه شامخأ فيه الجمال
أعذب الاشعار سالم قالها في مقدره
فلسفه فيها خياله ماعرف اسم المحال
وكل قيفانه تعلا نجمها في مفخره
وصيت اسمه بالمهابه ينعرف بين الرجال
في حضرها والبوادي قط ماحد ينكره
والوفاء والحب طبعه في سلوكه والفعال
وان مدحتك ماوفيت ومنك انت المعذره
سالم المري يرفرف بيرقه فوق الجبال
فارسأ تشهد حروفه والقلم والمحبره