قمرتي والشمس والنجمات - محمد عمر الهاشمي
لآجل الغاليه احلام انا سجلت بأوراقي
بأن العشق منك فيك قسم بلله ماخونه
وحبك يعتلى في الروح سكن نبضه بأعماقي
غرامك مانقص يزداد بقطرك ترعد امزونه
انا ذاك اليتيم الي بكاه يئن مو خافي
وفي صدرك يقول ((الاااه)) بدمعه سالت أعيونه
ونا طفلآ دلاله منك دايم دوم خفاقي
بحضنك يرتعي ضميه على صدرك يربونه
حنانك يشمله بالحب وحبك شيء مو عادي
يمين الله ما مثله حنانك في سمأ كونه
معاكِ انتي ابتدى عمري بغرامك كان ميلادي
وشعري صار في عشقك اسير هواكِ مفتونه
الا يافرحتي دومي وغني باجمل اعيادي
وكل الي عرف حبي على حبك يهنونه
احبك حب يتغزل قصيدي فيه بافكاري
احبك قمرتي والشمس والنجمات مزيونه
رسمتك ياضياء عمري اميرة كل ازماني
وحبك في حشايا الروح دايم دوم بأصونه
ومن مثل الغلا احلام ولو دورت باوطاني
تلاقي من حلا احلام يغار الورد واغصونه
تعالي يله ضميني وطفي نار اشواقي
محمد صار لك هيمان مجنونك يسمونه
بحب احلام اتنفس ومنها تنبض احروفي
ثملت بحبها واسكر بنظره من حلا اعيونه
ولاجلك جيت واتغرب واعاند كل اقداري
ويمك مركبي يرحل على شطك يحطونه
لآجل الغاليه احلام انا سجلت بأوراقي
بأن العشق منك فيك قسم بلله ماخونه