زمّل - أحمد العلوي
زمّل معاذير الجفا وإستر الحال
بعض التودد فيه ذل وفشيله
ما ينكسر قدرك معي لو بزلزال
حبك تعتق فالحشا وش يزيله
البارحه مجفي تهاديت مختال
والعين راحت تتبعك دون حيله
ناديتك بحسره : حبيبي ولا زال
صوت الصدى فالبال يصدح عويله
رحت الغرور اللي نهش صده البال
والشوق زمجر فالضلوع النحيله
ألزمت عيني بالبكا والبكا طال
مصلوب بين أربع زوايا هزيله
منديل ليلي يستر الدمع لا سال
لين الدجى لملم مناديل ليله
كفّيت هدر الدمع والقيل والقال
وأخفيت حزني والهموم الثقيله
صنت إحترامي عن سخافات عذال
علمت نفسي ما تكون الذليله
ياللي جفيت الأمس والحق ينقال
توني عرفت إن الأماني بخيله
نحلم ونرسم فالهوى جملة آمال
وتموت آمال المحبه قتيله
البارحه مجفي تهاديت مختال
ناديتك بحسره..وله..دون حيله
واليوم جيت بشوق تشكي لي الحال
زمّل معاذيرك تراها فشيله