بستفزك - أحمد العلوي
بستفزك بالغياب وبالعتاب
لين أشوفك في جنون وفي ظنون
راح أعذّب خافقك والله عذاب
راح أخلّي عيشتك هم وشجون
ومن أشوف إحساسك المغرور ذاب
بعتذرلك وأرجع الخل الحنون
المصيبه لك غلا فوق السحاب
واللي أدهى إنته عندي ماتهون
ولو على إيدك يموّتني الغياب
راح أردد هو غرامي وهو يمون
هو حبيبي مهما كان ومهما غاب
هو نصيبي لو يصون ولو يخون
أدري هجره يفقد العقل الصواب
وأدري غدره يشعل الخافق جنون
ياحبيبي فدوتك كل الشباب
ببقى أحبك لو تكون اللي تكون
عش حياتك بالسعاده لاتهاب
دام حبك ساكن(ن) وسط العيون
إيه أحبك ، لا سؤال ولا جواب
إيه أحبك والخلايق يعرفون
حبك أكبر من عدد رمل التراب
حبك أطهر من ندى فوق الغصون
لو أبوصف لهفتي لك في كتاب
ضاع وصفي بين ياء وبين نون
ياسمين العمر من دونك سراب
والحياة بدونك أشبه بالسجون
وين أبرحل والمدى دونك ضباب
وين أبرحل والمدى كله سكون
لايغرك هالغياب وهالعتاب
ولايعاني خافقك هم وشجون
بس أنا حبيت من هذا العذاب
إني أشوفك في جنون وفي ظنون