انكسار - أفراح الصالحي
حت ظل هذي الظروف المشمئزه
والفكر مذهوول وبالفلب انك/سار
وانت تنغزني بدقيقه 1000 نغزه
ما كفاك تحط اعصابي ع نار ؟؟
جيت أجمع ماتناااثر خرزه .. خرزه
وأصنع بها لباقي أيامي " سوار "
الوجع .. لاغيّرت دنياك قفزه
واظلمت بك أمنياتك والديار
من أنا ؟؟ إلا بوسط الماي .. وزه
كيف تجبر طهرها ع الإنتحار ؟
غرتك الأوضاع / والمكتب / ورزه
ينقصك اسلوب وانواع الحوار
لو تعرف امتى تحط ع الألف همزه
كان بيدك تصنعه ذاك القرار
مل خنجر صدك بصدري تغرزه
ياقساوة قلبك الصلب / الجدار
إيه في بعدك يقيني أستفزه
ومنهو يقوى فينا صبر الإحتضار ؟
مايموّت السعف إلا مجزه
وفي غيابك ماتن أغصاني كثاار
سيدي .. للقلب أحداث تهزه
وان رضى بالذل هي بصمات عار
قلبي (بيبي) .. وكان نايم في منزه
مايفرق بين ليله والنهار
لين صار يعد همه كل حزه ..
ما مداه يعيش مع باقي الصغار
بس .. يكفي .. بالوجع ترجع تكنزه
مابقاله ع المرار .. اصطبار
سيدي وان باقي لسه لي معزه
انسى ( اني كنت ) .. واللي صاار صاار