صدمة - أيوب السعدي
أيها الجافي تمهل إنتظر لحظه ثواني
الجفى ما عاد ينفع إبتسم وانزع قناعه
كنت لي منبع حنان وكنت لك كل المعاني
كلما تآمر وتنهي قلتلك سمع وطاعه
لين جرحني كلامك عندما هاجم أذاني
بالغصب دش وسمعته كنت مرغب في سماعه
((يا حبيبي آسف ارحل ها أنا حبيت ثاني))
بالسهوله تنطق حروف العبارة في بشاعه
أذكر إني من عرفتك وانته بحبك أناني
كنت أتجاهل وأسامح وآتحلى بالشجاعه
بس هذا اليوم صدمه زحزحتني عن كياني
صارت أيامي مآسي وصار لي نقص المناعه
ذابت شموع المحبه واختلط عندي زماني
حتى صعب إني أفكر الوصل أصبح قطاعه
ضاعت أحلامي الجميله وانهدم قصر الأماني
وانتشى ذاك الوداد اللي جمعته بالقناعه
إنقطع لب الغرام وصاحت أجزائي تعاني
تشتكي نقص الحنان اللي رماها للمجاعه
صارت الدنيا غريبه يا إلهي وش دهاني
الحزن أصبح هجوم وصارت أوجاعي دفاعه
هذي هي أغلى قصيده جاوبتني في زماني
اكتبوها وانشروها في محطات الإذاعه