وضع مؤسف - أيوب السعدي

أمطرينا يا سحابه وارفعي صوت الرعود
واقذفيهم بالصواعق واجمعينا للجهاد

إنكسار الحق واضح بالنصارى واليهود
طيحة المسلم أليمه في يد أصحاب الفساد

يا فلسطين الحبيبة إعذرينا ع الركود
والله إنا لو بدينا قد جمعنا هالعباد

ندعي الله بالركوع وندعي الله بالسجود
يا عسى أمة محمد ترجع بعقل الرشاد

ناس بقلوب حجاره في وسط عالم جحود
إرتقت للدين كلمه وانثروها بالرماد

لا حياه ولا محبه لا دفاع ولا صمود
ولا ارحموا أبناء غزة ولا اعتلوا فوق الجياد

كيف تبغون المآسي تنتهي وانتم رقود؟
أولا جد وجهاد وبعدها فصل الحصاد

وينهم أجدادنا؟ أكبر فخر كانوا أسود
فصلوا رايات بيضاء واكتسيناها سواد

الكلام اللي نقوله ما تجي منه ردود
ذا يصارخ ذا ينادي للأسف أصبح مزاد

تمضي الدنيا وحنا كلنا أفراح وسعود
انظروا بالوقت هذا حد يقوى ع البعاد؟

الطفل بالحرب يرحل من بعد فك القيود
ينقتل قدام أمه ودمعها يجري مداد

وابنها الثاني أسير وتنتظر يمكن يعود
والسنين تمر وهوه للأسف ما يوم عاد

للأسف حنا نثرثر ذا حرامي ذا حسود
بإختصار الوضع مؤسف كيف نبدأ بالجهاد؟