تفرع أسئلة - أيوب السعدي

تمضي الدنيا وأنا في خاطري أتفه سؤال
والسؤال اليوم أصبح في تفرع أسئله

القطاعه والتغلي في بدايات المقال
أسئله في أسئله وارتفاع البلبله

أصبح الفكر المشرد في مغازي و احتلال
يجمع هموم الشظايا وانفجار القنبله

رعشة كفوف الليالي أتلفت ماء الجبال
وانقطاع الماء يسهم في ذبول السنبله

يا غرائب في شؤوني بادريني بتصال
لا تخلي الشوق فيني ينتشي من أوله

لي متى هذا التغلي لي متى قطع الوصال
لي متى إحساس قلبي في رجوج وزلزله

لي متى الهاجس يميل ولا يعرف الإعتدال
لي متى أشجار قلبي بالغصون الممحله

لي متى أشكي جراح الشوق في هذا المجال
لي متى بسمة شفاهي للمحبه مشكله

لي متى أذرف دموعي دون حب وإنفعال
ما بقى فيني حنين ولا بقى فيني وله

لي متى بس لي متى لي متى هالإحتمال
لي متى هذي المشاعر للندامه سلسله

لي متى هذا التسائل بين قيل وبين قال
أكتم أنفاسي وصبري ما يحل المسأله

ما بقى فيني سؤال ما كتبته "م"الخيال
تمضي الدنيا وفكري في تفرع أسئله