ليلة البارح - أيوب السعدي
وين المشاعر والأحاسيس المليئه بالغرام؟!
وين ذاك اللي ينادي بالشعر هو معجبي؟!
ليلة البارح معايه الله الله يا سلام
إبتسامة ثغره الوردي تنير بكوكبي
ليلة البارح خلاص.. تعتبر لحظة هيام؟!
أو تفاهة ليل أسود ما يلبي مطلبي؟!
طب وين اللي تعلم بالمساء بعض الكلام؟
إيه أدري منت شاطر.. إكبر إكبر يا غبي
ما تعرف الحب أصلن عيب والله يا حرام
يا خسارة قلبي اللي شبهك بأمي وأبي
ويا خسارة فكري اللي يذكرك قبل المنام
ويا خسارة حبي اللي كان يحبيلك حبي
وش بدا بالحب.. لا.. وش تغير بالنظام؟!
من بعد ذيك المحبه ليه تقسى صاحبي؟!
ليه صار سراجنا مكسور بجناح الظلام؟
والهيام اللي جمعنا صار خائف مختبي؟!
ليه السحابه اللي رأتنا أغرقت سرب الحمام؟
وليه القدر عكس الأماني ما يجي باللي نبي؟!
شوف الورود اشلون ماتت واجرحت فيها سهام
شوف الظلام اشلون عسكر بين عيني واهدبي
شوف الليالي جات تبكي وانثرت فيني حطام
هذا الحطام اللي ربحته وما خسرت إلا اتعبي
يكفي تعب يكفي شقى.. إقرأ على الدنيا السلام
تدري أنا لما عشقتك.. ضاع أصلي وانسبي