هاجسي - العنود العلي
يا هاجسي يكفي من دموع ذا اليوم
يكفي دموع وكلّ شيٍّ تريده
وفّر دموعك ودّخرها مع القوم
لليوم ذي يسوا دموعك وزيده
الشعر ما يدمع من احقاد كالبوم
الشعر راقي في معاني عديده
لا تذرف الدمعه على شخص مذموم
لو صار له في الشعر يد ٍمديده
بالحزن قد عبّرت والحزن مرسوم
والدمع ع الخدين رافع بإيده
ما نويت العشق والقلب محروم
وياما كسرت الذّلّ والعن عبيده
وياما ليالي الشّكّ ضميتها دوم
وياما ليالي الغدر فيني زهيده
وياما قصيدي كلّ هالوقت محروم
مسكين ما يلقى وجوهٍ جديده
عزّيت انا الهاجس وإبقول ملزوم
لا تكترث لو قال شعرك أبيده
واحد مثل هذا يجي بحال مضيوم
ما يفهم الأشعار لو هي فريده
إسمع ضمير الشعر يا دايم الّلّوم
وافهم معاني الشعر لو هي بعيده
شفتك بذاك اليوم تمشي على السوم
مترفعٍ ع الخلق كنّك سنيده
مالوم انا شوفتك سارح ومهموم
مسكين هو حالك وحزنك تعيده
لا تعترض لو صار هالشيّ مقسوم
غصبٍ عليك يصيرغصبٍ تجيده
كرّر بيوت الشعر واطلع بمفهوم
واخضع ليا من جتك رميه سديده
هذا قصيدي جاك والختم مختوم
صلوا على المرسول مرّه عديده