أروّض ألف جنّيه - العنود العلي
على مهلك .. على مهلك ترى طرق القوافي كيف
ولا به شاعرن ودّه يقلّد شاعره زيه
أنا بنت العلي اللي تجاري فالشعر حريف
أصوغ القاف و أتحدى كبار القوم بألفيه
أنا بنتن ولي خبره بفن الشعر والتأليف
واذا قامت شياطيني تروّض ألف جنيه
أخوض البحر ما تشكي يديني كثرة التجديف
ولا تتعب مجاديفي نعومة راحة يديه
كلامي واضح المعنى ولو بالغت بالتوصيف
أترجم كل ما يطري على بالي علانيه
أعرف شلون بحروفي أهاجم واتقن التهديف
واعرف شلون في خصمي أردّ بأقوى رديه
ترى المنقود ما يلحق سوى من غايته تحريف
وقدر البنت ما ينقص مدام البنت نشميه
وترى بعض الرجال افعال بسّ افعالهم تزييف
واذا ما تلتزم حدّك أبكتب فيك مرثيه