ما قلت لك ؟! - فهد بن سرور السعدي
ما قلت لك ان الفراق رماح
شف هالصدر وحكاية ثْقوبه
وش للهدد لو ينكسر بي جناح
جفن ٍ شقي ويشقّق فْ ثوبه
من قال أنا ضايع أنا مرتاح
بعض الحزن أهون من اكذوبه
جرح انقسم فيني وصار جْراح
حلق ٍ يبس وضلوع محطوبة
هو شافني يوم العروق صْحاح
ما شافني والروح منكوبة
لو بالهوى كل ٍ يجي مرتاح
ماكان به ملح ٍ تغنو به
ياصاحبي ليته موات أرواح
لو للوفي مما وفا عْقوبه
بعض الحكي جد وبعضْه مزاح
والناس ذي كل ٍ وإسلوبه
واللي دفع آدم على التفاح
ساق الحشا لمعانق ذنوبه
ولا ّ أنا وش لي بهالمرواح
لجل اني احط دوبي على دوبه
ياصاحبي دام الهوى لقّاح
وقلوبنا نحل ٍ محا التوبة
لا تقول لي مابالفراق رماح
هاك الصدر وانت احصي ثقوبه