باقي الوعد - ناصر الهاشمي
جاتني مواعيدك على رمشة العين
لاسلهمت تسرح بها الروح وترد
برمشها تطوي المسافات والبين
وبرمشها تبعد طريقي ويبعد
الله من كيد العذارء المفاتين
يتمنعن لو راغبات التودد
من دهر يوسف والشهود السكاكين
يتناقلن هذا الطبع والتجسد
بي حب من تاجف وراه المزايين
لا شاف حسنه صايب الفكر يشرد
حبه بناه وفاق كل الموازين
بوصل وجفا وبمنام وتسهد
ساكن وموصد باب قلبي بحرفين
وعندي العذاب وطعمهن كنه الشهد
يرخص كلامه باعذب اللطف واللين
ويغلا حلاله ثابت حافظ العهد
عليه عيني بايعه نومها سنين
والحال يضنيه العنا والتوجد
يا صويحبي جصرت نهج المحبين
وفيتلي عهد وترى باقي الوعد