حبيبتي - ناصر الهاشمي
ح- حلو المباسم يا بعد كل من له
ب- بيحت لك من خافق عنك سايل
ي- ياللي طلب باسم الهوى عذب شله
ب- بنيتها لك عجز صدر المثايل
ت- ترى على لقياك قلبي توله
ي- ياللي بحروف اسمه بديت الرسايل
د- درب الهوى عسر المسالك تصله
ا- الكثر مني يحسبه بالقلايل
ي- يوم أصله يحسب علي المذله
م- ما يدري ان الوصل قالت وقايل
ع- عليك جفني احمر الدمع هله
ل- لو ما حصل قربك تضيع الدلايل
ي- يا من سكن باقصى الحشى واستحله
ك- كلي لك انت وما بقى للعذايل
ا- الصاحب اللي لا نطق ما تمله
ت- تطرق شفاته بالمعاني خمايل
و- وجدي لحال أعذر العشق سله
ل- لين إشتكت مخطاي جفر المسايل
ه- هو ما درى بالبعد للقلب عله
ي- يا من غرسلي مالتغلي فسايل
ا- أمنتك بحبل الوصل لا تفله
م- ما جادبه وقتك كريم الجزايل
ن- ناح القلب لقياك ساعة حصله
ي- يا كيف من فرقاك يفعل فعايل
ة - تليتني يوم قلت للبعد لله
ا- الوصل مني وان غدى البعد حايل
ل- لو ينفرش دربي من الشوك زله
ل- لسرجتلك حافي اقدامي ذلايل
ي- يا من خياله وسط عيني محله
م- من حيث ما لد النظر بيك شايل
ا- الصبر يطوي البعد طي السجله
ر- روضت لجلك عاسفات الوسايل
ض- ضنكى حياة اللي بكى فقد خله
ي- يخايله ما اللهم نجم الجوايل
ب- بدر ظهر من وسط سحب مطله
ا- الله من طرفه عمل بي عمايل
ل- لاقي صويب العشق دوم ايتدله
ب- بطاينه م الشوق نار وفتايل
د- دنا قريب حماي بدر الاهله
ا- أفطرت صومي يا جزيل الخصايل
ي- يا وقت لو بعدت خلي مذله
ل- لي بيننا عدل وان الوقت مايل
( حبيبتي دايم عليك اتوله
يا منية اللي ما رضى بالبدايل)