ملهمة - ناصر الهاشمي
قبل ليل البارحة بالمسج جاني جواب
بيه يمكن لو تطفل لقصيدك ملهِمه
القصيدة عندي موقف ما هو سردٍ بالخطاب
ولا من دون المشاعر يمكن أكتب ملحمه
أركب الصعب بقصيدة واهتوي طرد السراب
وأنتجي عذب المعاني وأتحاشى المبهمه
أفرج الفرحة لسامع وأسجن بقلبي العذاب
وان شفت ضي بقصيدي نابع من مظلمه
جات شاعر من مشاعرهم نجوى وإغتراب
ليل وسهاد وتجافي والخوافق مقلمة
يا كثر هرجٍ يسطر والمعاني كالهباب
لو سمعته ما فهمته وصعب إنك تفهمه
زيدٍ يقلد عمر وأخرٍ يعجن تراب
أختلط شينه بزينه وان تعدى الانظمة
ذاك حرفٍ يرتجيبك عاليٍ فوق السحاب
وان غدربك مع زمانك داس ضلعك منسمه
لو عزيته منتخالك خط لك دونه حجاب
ما تفكه قارية ودع الحصاة الملهَمَه
ليلك يطارد نهارك وأنت هجواك إقتراب
شايلٍ قلبك هدية وأتحرى مغنمه
لك معي جبر الخواطر ولك فتحت القلب باب
ولك هدية من مشاعر بالمودة مفعمه
ولك كرم ضيفٍ قصيدة سمها رد الجواب
ولا لي في كل قصيدة وكل بيتٍ ملهِمه