انتظار - ناصر الهاشمي
يمر الوقت وأترقب اقول الحين يلفي الزين
ولهفة خاطري تاخذ جداه النفس واشتاجه
وشوقي لهمسة منه ونظره من سواد العين
تسلي نفسي الولهى تسكن روح خفاجه
اداري لهفتي واعتب اقوله ليش طال البين
عساه اللي ورى بعدك مهي هرجات فراجه
الا يا شوق خيم في وسط قلبي دهر وسنين
الا يا منية فوادي الا يا حر اشواجه
الا يا من سلب عقلي الا يا فرحة العيدين
الا يامن برى حالي بشوق ونار حراجه
انا ودي على لقياك بكل الثانية والحين
تفرج شوق صدر ضاق ونفس حيل مشتاقه